नेपाल सरकार
गृह मन्त्रालय
जिल्ला प्रशासन कार्यालय,
रुपन्देही


  राहदानी सम्बन्धी सूचना

राहदानी आए नआएको सूचना टोल फ्रि नं. १६१८०७१५२१०५३ मा डायल गरी जानकारी लिन सकिन्छ ।

नमस्कार ! मिति २०७३/१२/२८ सम्म फारम बुझाउनेहरुको  राहदानी बनेर आइसकेको हुँदा सम्बन्धित ब्यक्ति सक्कल नागरिकता र नगदी रसिद सहित राहदानी प्राप्तीका लागी जिल्ला प्रशासन  कार्यालय रुपन्देहीमा सम्पर्क राख्न आउनुहुन अनुरोध छ । 

  • विजयादशमीको मंगलमय शुभकामना २०७३-६-२५

    विजयादशमी २०७३ को उपलक्ष्यमा यहाँ र यहाँको परिवारको सुख, शान्ति र समृद्धिको लागि हार्दिक मंगलमय शुभकामना व्यक्त गर्दछु ।                                                                                       

  • "निजामती सेवाको सपना: सम्बृद्ध नेपालको रचना" २०७२-५-२३

    निजामती सेवा दिवस २०७२ को नारा "निजामती सेवाको सपना: सम्बृद्ध नेपालको रचना" का साथ १. मिति २०७२/०५/२१ गते सबै कार्यालयले अाफ्नो हाता भित्र सरसफाई गरी, २. मिति २०७२/०५/२१ गते देखि २३ गते सम्म प्रत्येक दिन साँझ सबै कार्यालयमा दिपावली गरिएको, ३. मिति २०७२/०५/२२ गते बिहान ८ बजे भिम अस्पताल भैरहवामा अायोजना हुने बिरामीका लागि फलफुल वितरण तथा शुभकामना आदान प्रदान                  कार्यक्रममा सहभागी भई, ४. मिति २०७२/०५/२३ गते सबै कार्यालयले पहिलो सेवाग्राहीलाई सम्मान गरी मनाइयो ।  

  • नाबालिकालाई राहदानी दिएर १२ घण्टे सेवा सुरु २०७१-९-१

    मिति २०७१/०९/०१ देखी बिहान ६ बजे देखी साँझ ६ बजे सम्म कार्यालय खुल्ला रहेकाे व्यहाेरा जानकारी गराइन्छ । रुपन्देहीमा एक वर्षीया नाबालिकालाई राहदानी दिएर १२ घण्टे सेवा सुरु जिल्ला प्रशासन कार्यालयमा सामान्य प्रशासन मन्त्रालयका सचिव नइन्द्रप्रसाद उपाध्यायले पडसरी–१ की १ वर्षीया नाबालिका आयुमी ढकाललाई बिहान ६ बजे राहदानी दिएर सेवा शुभारम्भ गर्नुभएको हो ।  

  • २०७४ साल (सन् २०१७) को हजयात्रा सम्बन्धी सूचना २०७३-१२-७

    २०७४ साल (सन् २०१७) मा साउदी अरबकाे मक्का मदिनामा हज गर्न जान चाहने इच्छुक यस जिल्लाका नेपाली मुसलमानहरुले २०७४ वैशाख १० गते भित्र रीतपूर्वकको दरखास्त फारम, सक्कल राहदानी, हाललार्इ रु.१०००००।- (एकलाख रुपैया) राष्ट्रिय वाणिज्य बै‌‌कको भैरहवा शाखामा बुझाएको सक्कलै बैक भौचर, पासपोर्ट साइजको फोटो ३ प्रति, अटो साइजको फोटो २ प्रति लगायतका कागजातहरु सहित जिल्ला प्रशासन कार्यालय, रुपन्देहीमा सम्पर्क राख्नुहुन जानकारी गराइन्छ । यस सम्बन्धी विस्तृत जानकारीका लागि मिति २०७३।१२।०७ को गोरखापत्र दैनिक, यस कार्यालयकाे वेबसाइट daorupandehi.moha.gov.np एव‌ं कार्यालय समयमा यस कार्यालयमा सम्पर्क राखी बुझ्न सकिनेछ ।

  • टाेल फ्रि नं. सम्बन्धमा २०७१-११-२०

    राहदानी अाए नअाएकाे सूचना टाेल फ्रि नं. १६१८०७१५२१०५३ मा डायल गरी जानकारी लिन सकिन्छ ।

  • घुम्ती शिविर २०७१-९-८

    विशेष कारण बश मिति २०७१/०९/१३ गते विष्णुपुरा गा‍.वि.स. मा घुम्ती शिविर अायाेजना हुने भनेकाेमा हालका लागि स्थगित भएकाे व्यहाेरा जानकारी गराइन्छ ।

  • घुम्ती शिविर २०७०-११-२९

    मिति २०७०-११-२९ गते सुर्यपुरा गा‍.वि.स.मा घुम्ती शिविर सम्पन्न भयो । त्यसमा ९५ वटा नागरिकता बाँडियो ।

  • नागिरकता वितरण सम्बन्धी सूचना २०६९-११-२३

    यसअघि रुपन्देही जिल्लामा नागरिकता वितरणमा CCDS सफ्टवेयर प्रयोग हुँदै आएकोमा हाल सर्वसाधारणको हितलाई मध्यनजर गर्दै नयाँ वेब बेस्ड सिटिजनसिप म्यानेजमेन्ट सिस्टम (Web Based Citizenship Management System) २०६९।११।२३ देखि लागू गरिएको व्यहोरा सर्वसाधरणको लागि सूचित गरिन्छ । साथै यस नयाँ अनलाईन सफ्टवेयरबाट कार्य गर्दा कार्य सम्पादनमा सहज तथा सरल हुने विश्वास लिएको छौ ।

© सर्वाधिकार सुरक्षित गृह मन्त्रालय